琴晚上網睇到有d網share關於幾好既皮膚中醫,,

今日我去左睇暗瘡,,間野係紅磡觀音廟隔離,,

雖然好up好殘呀間診所,,但都好多人睇喎,,

我發覺個個去大部份都係睇暗瘡既,.

拎左一個星期藥,,希望有效la,,不過睇中醫好過睇西醫既,,

實在太忍受唔到d暗瘡la,,希望黎個了斷,,但要勁戒口,,佢話唔食得

紫菜,朱古力,咖啡,,煎炸野,太甜,,太咸既野,,我諗我做到既

因為我其實都好少去零食既

星期日去完迪士尼,,呢個星期既天氣又凍起黎,,我氣管又開始收窄,,

夜晚訓得唔好,,成日都喘醒,我真係覺得可以順咁呼吸己經係一份福氣la,,

因為連呼吸都困難跟本咩都做唔到..不過我呢種心情唔係個個都明白到,,

今日天氣回暖番,,好好多la,,難得放假,,訓到11點幾先起身,,

己經好耐未試過訓到咁晏la,,可能因為天氣關係,,

mami幫我買左張6斤重既帛胎,,佢話咁先夠暖,,

雖然出左好多羽絨被,,羊毛被,,但佢話最傳統既始終係最好的,,

果晚係迪士尼個小鎮大街度,,落雪,,雖然知道係假,,

因為我未見過真既雪,,所以我覺得真係好真下,,好好氣氛,,

一路落雪,,一路睇煙花,,超正ar,,

其實都影左d相,,但我諗,,咩都影唔到,,

因為d雪係d肥皂泡做既,,

今日返到公司,,個個都係度分享番琴日去迪士尼既經歷,,

但今日個個都覺得魂不附體,,累到死,,

超唔想返工law,,我真係幾個moment係訓著左law,,

因為太寧靜la公司,,

唉,,我又失聲,,今日比有兩個supplier問我係邊個,,

問我把聲點解咁衰衰格格喎,,我都唔想架,,

但d鼻水倒流影響law,,,我都想快d好番,,

但真係控制唔到,,我又要不停咁講野,,又要聽電話,,

成日都走哂音,,我知道人地都聽得好辛苦,,但我都唔好受law,,

講都講得勁辛苦,,

今朝早7點3就起身,,仲早過平時返工,,

dady仲早過我,,我起身,,佢己經換好衫,,準備好,,

跟住整到8點,,mami起身,,同我地一齊去飲茶,,

飲完茶,,我同dady兩個就出發去迪士尼,,

去到欣澳站,,勁多人,,幾驚遲到,,好彩咁啱又同老闆一架地鐵,,

唔洗遲到ar,,去到迪士尼門口,,等阿david換飛,,攪到10點幾11點先入去,,

入場果陣真係有人check袋架,,我初初以為咩都唔帶得入去食,,以為正係可以帶水

同面包,,但我媽咪塞左幾包百力枝同d零食比我,,幾驚如果check到唔比帶入去,,

要係門口食哂佢先入場,,跟住順利入去無發現到,,我地一行其實十九人,,入到去各

有各玩,,之前其實睇定左攻略架la,,一入去我地就去左space mountain拎fast

pass先,,跟住再行番去巴斯光年度玩,,巴斯光年好在唔算好多人,,排左3-4個字就

入到去,,跟住出番黎都未夠鐘玩space mountain

,,但整日我覺得最正係space mountain,,十個正,,係個太空入面玩過山車,,

雖然比唔上ocean park個過山車d衝力離心力,,但勝在好feel,,好靚law,,

見到一片星空,,真係好似置身於太空飛緊一樣ar,,玩完仲想玩多一次,,

下晝食野,,其實食野地方都算好多,,樣樣都差唔多40蚊左右,,

我地選擇去火箭餐廳食漢堡包,,都ok好食喎,,dady以為係麥記,

但個個都覺得好食過麥記喎,,

總結好玩果d game都玩得哂,,除左小熊維尼law,,

要排兩個鐘喎,,實在太浪費時間la,,決定放棄,,

其實都幾好玩,,但最失望係,,無乜點同d卡通人物影過相law

不過算la,,我上次去日本都影夠la,,下次再影,,

不過如果第日去玩,,揀平日會好好多,,今日實在太多人la